Lənkəranda narkotiklərin qanunsuz dövriyyəsi ilə məşğul olan şəxs saxlanılıb.

APA TV-nin cənub bürosunun verdiyi məlumata görə, Daxili İşlər Nazirliyinin Baş Narkotiklərlə Mübarizə İdarəsinin əməkdaşları tərəfindən keçirilən əməliyyat nəticəsində Əli Axundov tutulub.

Onun üzərində axtarış aparılan zaman 2 kiloqram 800 qram heroin, 2 kiloqram 650 qram tiryək və 254 qramdan artıq psixatrop maddə olan metamfetamin aşkarlanaraq götürülüb.

Əli Axundovun yaşadığı evdən isə bir ədəd müvafiq sənədləri olmayan ov tüfəngi və 19 ədəd patron tapılıb.

Faktla bağlı araşdırma aparılır.

Tural Kərimov

Rövşən Əzimov

APA TV