Dünən Lerikdə baş verən ağır qəza zamanı xəsarət alanlardan ikisinin vəziyyəti ağırdır.

Bu barədə Lənkəran rayon mərkəzi xəstəxanasının təcili yardım şöbəsinin müdiri Elgiz Baxşəliyev APA TV - nin cənub bürosuna açıqlama verib. Bildirib ki, xəstələrə ilkin yardım olunub və reanimasiya şöbəsinə yerləşdiriliblər. Onlardan Şərafət Fərəcova və Şəfiqə Ağayevanın vəziyyətləri ağırdır.

Ümumilikdə xəsarət alanların ilkin diaqnozları əsasən üz, baş və bədən nahiyələrində olan yaralar, sınıqlar, travmatik şok, qapalı kəllə-beyin travması, döş qəfəsinin travması, beyin sirkələnməsi ilə bağlı olub. Hazırda xəstələrin müalicəsi  Lənkəran rayon mərkəzi xəstəxanasında davam etdirilir.

 

İlkin Rzayev
Rövşən Almazoğlu
APA TV Lerik, Lənkəran