Masallı rayonunun Rüdəkənar kəndinin sakinləri uzun illərdi ki, evlərini odunla qızdırırlar.

30 il əvvəl ətrafda olan kəndləri qazlaşdırmaq üçün çəkilən magistral qaz xətti bu kəndin ərazisindən keçsə də kənddə mavi yanacaq yoxdu. Sakinlər deyir ki, qış aylarında oduna olan tələbat çoxalır, sərt qışı keçirtmək üçün evlərin hərəsinə 2 – 3 maşın odun gətirmək lazımdır. Elə ev də olur ki, 3 maşından da çox odun tələb olunur. Bu da kənddə yaşayan sakinlərə sərf eləmir. Həm də meşədən odun qırmağı icazə vermirlər.

Odun almağa pul tapmayanlar isə həyətyanı sahələrində meyvə ağaclarını kəsməyə məcbur olurlar.

Məsələ ilə bağlı “Azəriqaz” İstehsalat Birliyinin İctimaiyyətlə əlaqələr şöbəsinin

rəhbəri Eldəniz Vəliyev  bildirib ki, kəndin qazlaşdırılması məsələsi gündəmdədir.

Qeyd edək ki, hazırda Rüdəkənar kəndində 300 - ə qədər təsərrüfat var. Hər ailə bir il ərzində oduna 1000 – 1200 manata qədər pul xərcləyirlər.