Bakının Nərimanov rayonunda yol qəzası baş verib. Hadisə şəhərin Vaqif prospektində qeydə alınıb. “Niva” markalı maşın ötmə əməliyyatı edərək “Vaz 21015”-in qarşısına çıxıb. Nəticədə yüksək sürətlə toqquşmuş avtomobillərin hər iki sürücüsü ağır xəsarət alıb.

 

“Vaz 21015” markalı nəqliyyat vasitəsinin yaralı sürücüsü salonda sıxışıb qaldığından əraziyə FHN-nin Xüsusi Riskli Xilasetmə Xidmətinin əməkdaşları gəlib. Yaralı xilas edilərək təcili tibbi yardım briqadasına təhvil verilib. Qəza nəticəsində hər iki maşın deformasiyaya uğrayıb. Faktla bağlı araşdırma aparılır.