Xaçmazda narkotiklərin qanunsuz dövriyyəsində şübhəli bilinən şəxs yaxalanıb.

Daxili İşlər Nazirliyinin (DİN) mətbuat xidmətindən APA TV-yə verilən məlumata görə, polis Gəncəli kənd sakini Müslüm Manafovu saxlayıb.

Onun üzərindən 4, avtomobilindən isə 449 qrama yaxın marixuana aşkar edilib: “Xaçmazda yaşayıram, özüm narkotik istifadə edirəm. Polis əməkdaşları saxladı, üstümdən də, maşından da narkotik vasitə çıxdı. Maşınımda 450 qram narkotik var idi, onu da tapmışdım. Polislər maşından çıxardı. Vaxtlı-vaxtında istifadə edirdim deyə, qabaq oturacağın altına qoymuşdum”.

Faktla bağlı araşdırmalar davam edir.