Sumqayıtda 3 nəfərin xəsarət alması ilə nəticələnən yol-nəqliyyat hadisəsi baş verib.

APA TV-nin məlumatına görə, qəza şəhərin əsas giriş hissəsində, Sülh prospektində  qeydə alınıb. Belə ki, SOCAR-a məxsus "Hyundai" markalı mikroavtobus "KamAZ" markalı yük maşını ilə toqquşub. Qəza nəticəsində mikroavtobusun sürücüsü, 1964-cü il təvəllüdlü Hüseynov Vüqar Nəriman oğlu və onun sərnişinləri -  1966-cı il təvəllüdlü Ələkbərova Sevda Əbülfəz qızı və 1961-ci il təvəllüdlü Qədirova Zülfiyyə Hidayət qızı - ağır bədən xəsarətləri alaraq xəstəxanaya yerləşdiriliblər. Hadisəyə yük maşınını işıqforun tələblərini pozması səbəb olub.

Faktla bağlı araşdırma aparılır.