Mingəçevirdə yük maşınının təkərini partlaması qəzaya səbəb olub.

APA TV-nin Mingəçevir bürosunun məlumatına görə, hadisə Günəşli yaşayış massivində, 1-ci paralel küçəsində baş verib.

Hərəkətdə olan qumla dolu “Hovo” markalı yük maşınının qəfildən təkərinin partlaması nəticəsində avtomobil idarəetmədən çıxaraq yol kənarına aşıb. Nəticədə sürücü 1966-cı il təvəllüdlü Yevlax rayon sakini Yuzafif İmanov müxtəlif bədən xəsarətləri alıb.

Faktla bağlı araşdırma aparılır.

Ehtiram Muradov

APA TV