Rusiya paytaxtında 63 ildən sonra dekabr ayının 18-i tarixinə temperatur ən yüksək həddə çatıb.

APA TV-nin “Reuters”ə istinadən məlumatına görə, Moskvada 2,9 dərəcə isti müşayiət olunub.

1956-cı ilin eyni günü Rusiya paytaxtında 2,8 dərəcə istilik qeydə alınıb. Ən yüksək göstərici isə 1886-ci ilə təsadüf edir. Həmin tarixdə temperatur müsbət 5,3 dərəcəni göstərib.

Dekabrın 19-a isə sinoptiklər bu vaxta qədər ən yüksək göstəricini proqnozlaşdırır. Moskvada hərarət 6 dərəcəyə çata bilər ki, bu da 3 əsr əvvəlin rekordunu geridə qoya bilər.