Naftalanda və regionda ilk- alternativ enerji mənbələrindən istifadə olunacaq.

 

APA TV–nin Mingəçevir bürosunun məlumatəna görə, Naftalan kurort şəhərində aparılan yeniliklər çərçivəsində pilot layihə olaraq uzun illərdən bəri işıqsız qalmış, şəhərin ən böyük parklarından sayılan Qələbə parkında yerli və xarici istehsalçıların birgə məhsulu olan yeni işıqlandırma sistemi quraşdırılmışdır.

 

Yeni işıqlandırma sistemi günəş enerjisi ilə qidalanan lampa və solar batariyalarla təchiz olunub. Gələcəkdə şəhər ərazisində bir neçə belə işıqlandırma sistemlərinin quraşdırılması nəzərdə tutulub. Alternativ enerjidən istifadə ilə həm də elektrik enerjisinə qənaət olunacaqdır. Şəhər İcra Hakimiyyətinin təşəbbüsü ilə gələcəkdə həmin işıqlanma sistemindən şəhərin müxtəlif yerlərində quraşdırlması nəzərdə tutulmuşdur.

 

Şəhər əhalisi və turistlər artıq gecə saatlarında da istirahət etmək və asudə vaxtlarını səmərəli keçirmək üçün  rahatlıqla sözügedən parka üz tuta biləcəklər.