Naxçıvan sakinini döydülər
"Sədərək" ticarət mərkəzində dava baş verib.
Lent.az-ın əldə etdiyi məlumata görə, hadisə ötən gün ticarət mərkəzinin “Şirniyyat” bölməsində qeydə alınıb.
Bir neçə nəfər arasında düşən davada Natiq adlı şəxs Naxçıvan şəhər sakini 1976-cı il təvəllüdlü Natiq Abbasovu döyüb. Hadisə ilə bağlı polisə məlumat verilib.
Qaradağ rayon Polis İdarəsi tərəfindən araşdırmalar başlanılıb.
Hadisəni törədən şəxsin və davanın digər iştirakçıların müəyyən edilərək saxlanılması istiqamətində əməliyyat-axtarış tədbirləri davam etdirilir.
