1917-ci ildə Bolşeviklər hakimiyyətə gələndən sonra Rus-Qafqaz cəbhəsi dağıldı. Geri çəkilən əsgərlər silahlarını erməni daşnak qüvvələrinə verdilər. Həmin dövrdə Bakıda Şaumyan başda olmaqla, Sovet hakimiyyəti qurulmuşdu. Sovet hakimiyyəti ilə erməni daşınak dəstələri isə bərabər hərəkət edirdilər. Onlar 1918-ci ilin 30 mart və 3 aprel tarixləri arasında Bakı şəhərində və Bakı quberniyasının müxtəlif bölgələrində, eləcə də Şamaxı, Quba, Xaçmaz, Lənkəran, Hacıqabul, Salyan, Zəngəzur, Qarabağ, Naxçıvan və digər ərazilərdə azərbaycanlıları kütləvi şəkildə vəhşicəsinə qətlə yetirdilər. Rəsmi mənbələrə əsasən, bu soyqırımın nəticəsində 12 minə yaxın azərbaycanlı amansızcasına öldürüldü, on minlərlə insan itkin düşdü. Soyqırımını törədənlərin məqsədlərindən biri də Azərbaycanın astanasında olduğu müstəqilliyin qarşısını almaq idi. Ancaq onlar məqsədlərinə çatmadılar. Mayın 28-də Cümhuriyyət elan olundu və soyqırımının araşdırılması üçün fövqəladə təhqiqat komissiyası yaradıldı. Ümummilli lider Heydər Əliyev 1998-ci il 26 mart tarixli sərəncamı ilə 31 martı azərbaycanlıların soyqırımı günü elan etdi. Həmin tarixdən etiarən hər il 31 mart soyqırımı qurbanlarının xatirəsi yad edilir. Bu il isə 31 mart qurbanlarının xatirəsi 1988-ci ildən bəri ilk dəfə olaraq bütün ölkə ərazisində anılır. Tarixçi düşünür ki, buna görə də, 31 mart qurbanlarının ruhu şaddır. ORXAN ASLAN APA TV