Oğuzda kəndə hücum edən canavarlar 14 qoyunu parçaladı
Oğuzda canavarlar kəndə hücum edib.
APA TV-nin yerli bürosunun məlumatına görə, hadisə rayonun Bayan kəndində qeydə alınıb.
Kəndə hücum edən bir-neçə canavar kənd sakini Adil Cabbarovun mal tövləsinə soxulub. Canavarlar tövlədə olan xırdabuynuzlu heyvanlardan 14-nü parçalayıb, 14-nü yaralayıb, 2 heyvanı isə sürüyərək özləri ilə aparıblar.
Yırtıcıların parçaladığı heyvanlar kənd ərazisində baytarlıq təlimatlarına uyğun olaraq basdırılıb.
Heyvan cəsədləri basdırıldıqdan sonra ərazi dezinfeksiya edilib.
