Qarabağdakı antiterror tədbirləri zamanı şəhid olan hərbiçimizdən biri də kiçik çavuş Tamerlan İmran oğlu Soltanbəylidir. 26 yaşlı hərbçimiz Qəbələ rayonunun Tüntül kəndində doğulub boya başa çatıb. Tamerlangil ailədə 3 uşaq olublar. O həqiqi hərbi xidməti başa vurduqdan sonra, 2020 - ci ildə Azərbaycan Respublikasının Müdafiə Nazirliyinin N saylı hərbi hissəsində Müddətdən Artıq Xidmət Edən Hərbi Qulluqçu kimi xidmətə başlayıb daha sonra xidmətini kiçik çavuş olaraq davam etdirib. Yaxınlarının sözlərinə görə o, hərbi xidmətdə fərqləndiyinə görə müxtəlif mükafatlar da alıb. Həm də 44 günlük Vətən müharibəsi iştirakçısı olub. Qeyd edək ki, Soltanbəyli Tamerlan vətən müharibəsində göstərdiyi qəhrəmanlıqlara görə o ”Xocavəndin azad olunmasına görə”, “Fizulinin azad olunmasına görə”, “Şuşanın azad olunmasına görə”, “Vətən müharibəsi iştirakçısı” medalları ilə təltif olunub. İlham Əhmədov, Taleh İbrahimov, APA TV