Bunu Ermənistan parlamentindəki müxalif “Ermənistan” fraksiyasının deputatı Artur Xaçatryan deyib.

 

O qeyd edib ki, Rusiya Federasiyası taxılın Avrasiya İqtisadi Birliyin ölkələrinə də ixracına qadağa qoyub: “İnsanlar qorxur ki, Ermənistan, Qazaxıstan və ya digər ölkələr Rusiya taxılını alıb üçüncü ölkəyə sata bilərlər. Lakin uzunmüddətli perspektivdə belə vəziyyətə düşməmək üçün yerli istehsalı inkişaf etdirmək lazımdır. Ermənistanda əkin sahələrinin 40%-i becərilmir. İndi anlamaq lazımdır ki, dövlətə daha çox ziyan vuran nədir - bu torpaqları əkib-becərməmək, yoxsa onların becərilməsinə pul xərcləmək? Xərcləri və gəlirləri təhlil etmək lazımdır”.

 

Xaçatryanın sözlərinə görə, Ermənistanda taxıl və yem bitkiləri, əkmək üçün torpaq sahələri var ancaq 2021-ci ildə məhsul yığımı çox aşağı olub: “Biz Qarabağdan 50 tona yaxın buğda almışıq, lakin indiki hakimiyyət dövründə bu torpaqlar türklərə keçib, ona görə də özünü təminetmə səviyyəsinin aşağı düşüb”

 

Xatırladaq ki, ermənistan hökuməti bəyan etmişdi ki, Ermənistanın ərzaq təhlükəsizliyi ilə bağlı problemi olmayacaq, tezliklə Rusiyadan idxal bərpa olunacaq.

 

Fuad Sadıqov APA TV