Koronavirus (COVID-19) pandemiyası ilə mübarizə tədbirləri çərçivəsində Bakı Şəhər İcra Hakimiyyətinin strukturları tərəfindən paytaxt küçələri növbəti dəfə dezinfeksiya edilib.

 

Bu zaman istifadə edilən maddələrin qəbul olunmuş müəyyən toksikliyini nəzərə alaraq paytaxt sakinlərinə əvvəlcədən Kütləvi İnformasiya Vasitələri vasitəsi ilə məlumat verilib.

 

APA TV-nin xəbərinə görə, səhər saatlarından etibarən paytaxtdakı əsas küçə, prospekt və yollarda kommunal təsərrüfat xidmətlərinin 40 ədəd xüsusi texnikası və 2000 nəfər əməkdaşı tərəfindən xüsusi kimyəvi maddələrlə dezinfeksiya işləri həyata keçirilib. BŞİH-nin mətbuat xidmətinin rəhbəri Metin Hüseynovun sözlərinə görə, günü-gündən koronavirusa (COVID-19) yoluxanlarının sayında böyük artımın olması nəzərə alınaraq, noyabr ayının 15-i də dezinfeksiya işləri davam edəcək: ”Bakı şəhər İcra Hakimiyyəti tərəfindən koronovirus pandemiyasına qarşı mübarizə tədbirləri daha da güclənib. Dezinfeksiyanın əsas məqsədi vətəndaşlarımızın koronovirusdan qorunmasıdır. Əsasən  lift kabinaları, həyət və yaşayış məhəllələri, buradakı idman-əyləncə qurğuları,  uşaq meydançaları, ümumi istifadədə olan yerlər dezinfeksiya ediləcək.

 

Qış aylarında yağıntılar yağan zaman isə dezinfeksiya işləri lokal xarakter daşıyacaq.

 

Vətəndaşlardan bir daha xahiş olunur ki, koronovirusun daha da çox yayılmasına imkan verməmək üçün karantin qaydalarına riayət etsinlər.