Şirvan polisinin  keçirdiyi əməliyyat tədbiri nəticəsində üzərində narkotik vasitə və küllü miqdarda saxta pul olan paytaxt sakini saxlanılıb.

 

APA TV-nin Mil-Muğan bürosunun məlumatına görə,  Şirvan Şəhər Polis Şöbəsinin əməkdaşları tərəfindən keçirilən əməliyyat tədbirləri nəticəsində narkotik vasitələrin qanunsuz dövriyyəsində şübhəli bilinən Bakı şəhər sakini, Anar Xanzadə Şirvan şəhəri ərazisində saxlanılaraq polis şöbəsinə gətirilib. Polis şöbəsində onun üzərinə keçirilən baxış zamanı ondan narkotik maddə olan heroin, eləcə də 81 ədəd saxta 100 ABŞ dolları və 15 ədəd saxta 100 manatlıq əskinaslar aşkarlanaraq maddi sübut kimi götürülüb.

 

Faktla bağlı Şirvan ŞPŞ-də cinayət işi açılıb, saxlanılan şəxs barəsində həbs qətimkan tədbiri seçilib.