Hacıqabulda avtomobil piyadanı vuraraq öldürüb.

APA TV-nin Mil-Muğan bürosunun verdiyi məlumata görə, hadisə Bakı-Qazax magistralının Nəvahi kəndi ərazisindən keçən hissəsində qeydə alınıb. "VAZ 2106" markalı avtomobil yolu keçən Ucar rayonunun Qaradağlı kənd sakini, 1976-cı il təvəllüdlü Məmmədov Mustafa Əli oğlunu vurub. Piyada xəstəxanaya çatdırılarkən yolda keçinib.  

Qeyd edək ki, yol-nəqliyyat qəzasının iştirakçısı olan VAZ 2106 markalı avtomobilin sürücüsü yaralını özü xəstəxanaya çatdırıb.

Faktla bağlı Baş Dövlət Yol Polisi tərəfindən araşdırma aparılır.