Ukraynadakı vəziyyətlə əlaqədar Azərbaycanın Polşadakı səfirliyi müraciət yayıb.

 

Səfirlikdən APA-ya daxil olan müraciətdə bildirilib ki, 2 mart tarixində Ukraynadakı vəziyyətlə əlaqədar Azərbaycan vətəndaşlarından Polşanın Ukrayna ilə sərhəd-keçid məntəqəsini keçdikdən sonra Polşa tərəfindən təklif edilən istiqamət üzrə hərəkət edən təxliyə avtobuslarına minmələri xahiş olunur.

 

“Avtobuslar müxtəlif şəhərlərdə yerləşən qəbul məntəqələrinə hərəkət edir. Vətəndaşlarımız həmin qəbul məntəqələrində yerləşdirildikdən dərhal sonra Azərbaycanın Polşadakı Səfirliyinin 0048576900183 saylı qaynar xəttinə bağlı whatsapp nömrəsinə yaxud [email protected]

elektron poçt ünvanına aşağıdakı məlumatı göndərməlidirlər:

 

1) Pasportun (olmadığı təqdirdə şəxsiyyətini təsdiq edən istənilən
sənədin) surəti (fotoşəkli);

 

2) Hazırda yerləşdirildiyi ünvan;

 

3) Telefon nömrəsi (və olduğu təqdirdə whatsapp nömrəsi);

 

4) Azərbaycanda yaxın qohumunun ünvanı və telefon nömrəsi

 

Həmin məlumatlar əsasında vətəndaşlarımız siyahıya alınacaq və onlar üçün Polşadan Azərbaycana təxliyə uçuşları təşkil olunacaq. Təhlükəsizlik şərtlərini nəzərə alaraq, təxliyə təyyarəsinə yalnız adları Səfirliyin siyahısında olan şəxslər buraxılır. Təxliyə zamanı ilk növbədə qadınlara, uşaqlı valideynlərə, yaşlılara və tələbələrə üstünlük verilir.