Noyabrın 26-da Bakı Dövlət Universitetinin (BDU) 100 illik yubileyi münasibətilə Konqres Mərkəzində mərasim keçirilib.

APA TV-nin məlumatına görə, Prezident İlham Əliyev mərasimdə iştirak edib.

 

Dövlət başçısı mərasimdə nitq söyləyib.

Sonra BDU-nin rektoru Elçin Babayev və universitetin professoru, hüquq elmləri doktoru Firuzə Abbasova çıxış ediblər.

 

Daha sonra pianoçu Etibar Əsədlinin ifasında BDU-nun məşhur 60 aliminə həsr olunmuş “İthaf” kompozisiyası təqdim edilib.

 

Jurnalistika fakültəsinin 2-ci kurs tələbəsi Rəşad İmanov çıxış edib.

Universitetin 16 fakültəsi üzrə elm sahəsini əhatə edən rəqəmsal qrafikin təqdimatı olub.

Sonda BDU-nun himni səsləndirilib.