Prezident İlham Əliyev "Azərbaycan Respublikası Silahlı Qüvvələrinin hərbi qulluqçularının təltif edilməsi haqqında" Sərəncam imzalayıb. 

APA TV-nin məlumatına görə, sərəncama əsasən, Füzuli, Zəngilan və Xocavənd rayonlarının işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş Azərbaycan Respublikası Silahlı Qüvvələrinin bir qrup hərbi qulluqçusu “Füzulinin azad olunmasına görə”, “Zəngilanın azad olunmasına görə” və Xocavəndin azad olunmasına görə” medalları ilə təltif ediliblər.