Putin nüvə silahının Belarusda yerləşdirmə vaxtını açıqladı
Rusiya nüvə silahlarının Belarusda yerləşdirilməsinə müvafiq qurğuların hazırlanması başa çatdıqdan dərhal sonra başlanacaq.
Bu barədə Rusiya prezidenti Vladimir Putin belaruslu həmkarı Aleksandr Lukaşenko ilə görüşündə deyib.
“İyulun 7-8-də müvafiq strukturların hazırlanması tamamlanır və biz dərhal ərazinizdə müvafiq silah növlərinin yerləşdirilməsi ilə bağlı tədbirlərə başlayacağıq”, Putin qeyd edib.
Qeyd edək ki, Rusiya nüvə silahlarının Belarusda yerləşdirilməsi ilə bağlı qərarı Putin martın 25-də bəyan edib. Onun sözlərinə görə, bu addım “nüvə silahının yayılmaması vədini pozmayacaq: "Çünki Moskva öz nüvə silahını Minskə təhvil vermir"
