Azərbaycan çempionu “Qarabağ” növbəti avrokubok oyununu keçirib.

Ağdam klubu Çempionlar Liqasının II təsnifat mərhələsinin cavab matçında “Rakuv”la qarşılaşıb.

Səfərdə 2:3 hesabı ilə uduzan Qurban Qurbanovun yetirmələri rəqibdən revanş ala biməyiblər. Matçın birinci hissəsində qapılara qol vurulmaylb.

Fasilədən sonra qonaqlar müdafiədəki diqqətsizlikdən istifadə edərək, hesabı açıblar. “Qarabağ” 60-cı dəqiqədə hesabı bərabərləşdirməyə nail olub.

Polşada olduğu kimi, bu dəfə də Cica fərdi ustalıq nümayiş etdirib. Amma “Qarabağ”ın bundan artığına gücü çatmayıb.

İki oyunun nəticəsinə görə, 4:3 hesabı ilə qalib gələn Polşa çempionu mərhələ adlayıb.

“Qarabağ” isə mübarizəni Avropa Liqasının III təsnifat mərhələsində davam etdirəcək.