Qaxda iki nəfərin xəsarət alması ilə nəticələnən ağır yol-nəqliyyat hadisəsi baş verib.

APA TV-nin yerli bürosunun xəbərinə görə, şəhərin Heydər Əliyev prospektində rayon sakini 30 yaşlı Zaur Alakulaşvili idarə etdiyi minik avtomobili ilə hərəkətdə olarkən idarəetməni itirib və maşın prospektin gecə işıqlandırmasını təmin edən bir-neçə işıq dirəyinə çırpılıb. Zərbənin gücündən avtomobil yararsız vəziyyətə düşüb.

Nəticədə sürücü və avtomobildə olan sərnişin- Vedxo Mirzayev aldıqları müxtəlif dərəcəli bədən xəsarətləri ilə Qax rayon Mərkəzi Xəstəxanasına çatdırılıblar. Xəstəxanadan xəsarət alanların vəziyyətinin orta-ağır olduğu bildirilir.

Faktla bağlı araşdırma aparılır.