Qaxda yaşayış evi yanıb.

APA TV-nin məlumatına görə, hadisə rayon sakini İsa İsayevin yaşadığı taxta konstruksiyadan ibarət, ümumi sahəsi 30 kv/m olan iki otaqlı evdə baş verib.

Yanğın nəticəsində yaşayış evi yanaraq külə dönüb.

Hadisə yerinə Fövqəladə Hallar Nazirliyinin Qax rayon Dövlət Yanğından Mühafizə Hissəsinin iki yanğınsöndürən maşını və şəxsi heyəti cəlb edilib. Ətrafdakı tikililər yanğından mühafizə olunub.

Ev sahibinin sözlərinə görə, onlar dünən ev əşyalarını da yığaraq yeni tikdikləri evə köçüblər. Bu səbəbdən də yanğın baş verən evdə ailə üzvlərindən heç kim olmayıb.

Faktla bağlı araşdırma aparılır.