Şuşada keçirilən “4-cü Sənaye İnqilabı dövründə Yeni Media” Qlobal Forumunun iştirakçıları şəhərlə tanış olublar. Əvvəlcə Şuşa qala divarlarını ziyarət edən qonaqlar sonra Azərbaycanın tanınmış şəxsiyyətləri Natəvan, Bülbül və Üzeyir Hacıbəylinin güllələnmiş heykəllərinin qoyulduğu Şuşa şəhər mərkəzi meydanına gəliblər. Onlar daha sonra Şuşada Xurşidbanu Natəvanın evi, Xan qızı bulağı, Şuşa qalasının Gəncə qapısı, Yuxarı Gövhər Ağa məscidi, Mehmandarovların malikanəsi, Qazançı kilsəsində olublar. Gəzinti zamanı işğal dönəmində mədəniyyət abidələrinə ermənilər tərəfindən vurulan ziyan barədə məlumat verilib. Sonda Cıdır düzünə gələn qonaqlar mənzərəni seyr ediblər. Qeyd edək ki, 250 media təmsilçisinin iştirak etdiyi Şuşa Qlobal Media Forumu 23 iyulda öz işini başa vuracaq.