"2018-ci ilin oktyabrında Badamdarda sürüşmə baş verən zaman Respublika Seysmoloji Xidmət Mərkəzi də ərazidə monitorinqlər aparıb. O zaman müşahidələr göstərdi ki, sürüşmələr davam edəcək".

 

Bunu APA TV-yə açıqlamasında Badamdardakı sürüşmə sahəsinə baş çəkən Respublika Seysmoloji Xidmət Mərkəzinin baş direktoru Qurban Yetirmişli bildirib.

 

O qeyd edib ki, lazımi tədbirlər görülməsə, sürüşmənin daha böyük sahədə olacağı gözlənilir.

 

Xatırladaq ki, yanvarın 9-da səhər saatlarında Badamdar sürüşmə sahəsində yenidən aktivləşmə baş verib. Eni təxminən 100 metrə yaxın olan sürüşmə kütləsi Badamdar - 20-ci sahə arasında olan magistral avtomobil yoluna doğru hərəkət edib.