Şabranda ağır qəza, ölən var
Şabranda ağır yol qəzası baş verib.
Hadisə rayonun Uzunboyad kəndi ərazisində qeydə alınıb. Qatarla traktorun toqquşması ilə bağlı polisə məlumat daxil olub.
DİN-in mətbuat xidmətinin regional qrupundan bildirilib ki, ilkin məlumata görə toqquşma nəticəsində traktor 1978-ci il təvəllüdlü Nemət İsgəndərovun üzərinə aşıb.
O hadisə yerində ölüb.
Araşdırma aparılır.
