Şabran rayonunun Rəhimli kəndində tövlədə güclü yanğın baş verib. Hadisə Ağamalıyev Fərrux Fərhad oğluna məxsus təsərrüfatda qeydə alınıb. Yanğın zamanı 15 baş iribuynuzlu heyvan, 100-ə yaxın toyuq və tövlənin damına yığılmış 1500 ədəd ot bağlaması yanıb. Alov o qədər güclü olub ki, qısa zamanda bütün tövləni və ot taylarını əhatə edib. Təsərrüfat sahibi heyvanları xilas etməyə cəhd etsə də, buna nail ola bilməyib. Alov FHN-in Şabran Dövlət Yanğından Mühafizə Hissəsinin yanğından mühafizə bölmələri tərəfindən söndürülüb. Yaxınlıqdakı tikililər yanğından mühafizə olunub. Təsərrüfat sahibi yanğının qəsdən törədildiyini iddia edir. Faktla bağlı araşdırma aparılır.

Cəfər Talıb, APA TV, Şabran