Sahib Ələkbərov İqtisadiyyat nazirinin müavini təyin olunub.

 

APA TV-nin məlumatına görə, dövlət başçısı İlham Əliyev tərəfindən bununla bağlı müvafiq sərəncam imzalanıb.

 

Qeyd edək ki, Sahib Ələkbərov bundan əvvəl Vergilər nazirinin müavini vəzifəsində çalışıb.

 

Sahib Ələkbərov 1952-ci ildə Samux rayonunda anadan olub. 1972-ci ildə Azərbaycan Neft və Kimya İnstitutunu, 1984-cü ildə Moskva İctimai Elmlər Akademiyasını bitirib.

1996-cı ildən 2005-ci ilədək özəl sahələrdə müxtəlif vəzifələrdə işləyib.

 

2005-ci ildən 2009-cu ilədək Bakı şəhəri Səbail Rayon İcra Hakimiyyətinin başçısı, 2009-cu ilin iyun ayından Dövlət Statistika Komitəsi sədrinin müavini vəzifələrində çalışıb.

 

2010-cu il iyul ayının 2-də Prezident İlham Əliyevin sərəncamı ilə Vergilər nazirinin müavini təyin olunub.