Salyanda baş verən yanğın zamanı Qarabağ qazisi yanaraq ölüb.

 

APA TV-nin Mil-Muğan bürosunun məlumatına görə, hadisə "Plasmas" yaşayış massivi kimi tanınan ərazidə - Əlövsət Quliyev küçəsi ev 19-da qeydə alınıb.

 

1965-ci il təvəllüdlü, Qarabağ qazisi Firudin Cəfərova məxsus yarımçıq tikilmiş fərdi yaşayış evi qəfildən alovlanmağa başlayıb.

 

Qonşuların məlumatı əsasında hadisə yerinə Salyan Yanğından Mühafizə hissəsinin iki yanğınsöndürən maşını və canlı qüvvəsi cəlb edilib.

 

Yanğınsöndürənlərin səyi nəticəsində alov söndürülüb. Yanğının yaxınlığındakı tikililər mühafizə olunub.

 

Hadisə yerinə baxış keçirilən zaman ev sahibinin yanmış meyiti aşkar edilərək aidiyyəti üzrə təhvil verilib.

 

Faktla bağlı araşdırma aparılır.