Şamaxıda avtomobil piyadanı vuraraq öldürüb
Şamaxı rayonunda ölümlə nəticələnən yol-nəqliyyat hadisəsi baş verib.
APA TV-nin yerli bürosunun xəbərinə görə, hadisə gecə saat 22:00 radələrində Şamaxı şəhərinin Şəhriyar qəsəbəsində qeydə alınıb.
"Mercedes" markalı minik avtomobili hərəkətdə olarkən sərxoş vəziyyətdə qəflətən yola çıxan piyada 1971-ci il təvəllüdlü Nazim Əjdər oğlu Məsimovu vurub. O, aldığı ağır xəsarətlər nəticəsində hadisə yerində ölüb.
Faktla bağlı Şamaxı rayon Polis Şöbəsi tərəfindən araşdırma aparılır.
