Bakı-Şamaxı yolunda avtoqəza, ölən və xəsarət alanlar var

 

Şamaxı rayonu ərazisində ağır yol-nəqliyyat hadisəsi baş verib.

 

APA TV-nin yerli bürosunun xəbərinə görə, hadisə Bakı-Şamaxı yolunun Acıdərə adlanan ərazisində qeydə alınıb.

 

Qobustan sakini Qüdrət Şahverdiyev idarə etdiyi "KİA Rio" markalı minik avtomobili ilə hərəkətdə olarkən, eyni istiqamətdə hərəkət edən və yanacaq daşıyan "KaMAz" markalı yük avtomobilinə çırpılıb.

 

Hadisə zamanı 2000-ci il təvəllüdlü Aytac Məmmədova ağır xəsarətlər səbəbindən hadisə yerində dünyasını dəyişib. Sürücü Qüdrət Şahverdiyev və digər sərnişinlər - 1978-ci il təvəllüdlü Sevda Şahverdiyeva və 2011-ci il təvəllüdlü Fateh Məmmədov isə xəsarət alaraq xəstəxanaya yerləşdiriliblər.

 

Faktla bağlı araşdırma aparılır.

 

Şahnəzər Bəşirov

APA TV