Samuxda yol-nəqliyyat hadisəsi baş verib.

APA TV-nın qərb bürosunun məlumatına görə, hadisə rayonun Heydər Əliyev küçəsində qeydə alınıb.

“Mercedes” və "VAZ 2106” markalı minik maşınları toqquşub. Nəticədə 3 nəfər yaralanıb. Yaralılıar Samux Mərkəzi Rayon Xəstəxanasına yerləşdirilib.

Xəsarət alanlar 1978-ci il təvəllüdlü Əsgərov Zaur Arif oğlu və 1949-cu il təvəllüdlü Mustafayev Qubad İbrahim oğlu və adı məlum olmayan şəxsdir. Qubad Mustafayevin vəziyyəti ağır olduğundan Gəncədə yerləşən xəstəxanaların birinə aparılıb.

Faktla bağlı araşdırma aparılır.