Qarabağda həyata keçirilən antiterror tədbirləri zamanı şəhid olan və kimliyi sonra müəyyənləşdirilən tank komandiri gizir Yusif Məmmədrza oğlu Xəlilov dəfn olunub. Şəhid gizir Yusif Məmmədrza oğlu Xəlilov 1983-cü ildə Lənkəran rayonunun Veravul kəndində anadan olub. Vətəninə bağlı olan Yusif 18 il Azərbaycan Silahlı Qüvvələrində xidmət edib və tank komandiri vəzifəsinə kimi yüksəlib. Şəhidimiz 2016 - cı ildə Aprel döyüşlərində iştirak edib, Lələtəpənin alınmasında qəhrəmanlıq göstərib və həmin döyüşlərdə yaralanıb. Buna baxmayaraq o hərbidə qalır və MAXE kimi fəaliyyətini davam etdirir. Qeyd edək ki, şəhid Yusif Xəlilov birgünlük antiterror tədbirləri zamanı şəhid olan və kimliyi sonradan müəyyənləşdirilən 6 hərbçidən biri idi. O, ailəli idi və iki qız övladı var. İlkin Rzayev Rövşən Almazoğlu APA TV Lənkəran