18:08 6 dekabr 2021 656
Ana səhifə Xəbərlər

Şəhid və qazi ailələri bu vergilərdən azad olunur

44 günlük Vətən Müharibəsində şəhid olan hərbçilərin ailə üzvlərinin, müharibə iştirakçılarının sosial durumunun yaxşılaşdırılması istiqamətində məqsədyönlü addımlar atılır. Növbəti belə bir addım yeni vergi güzəştlərinin tətbiqi ilə bağlıdır. 

 

Yəni söhbət bu kateqoriyadan olan şəxslərə vergi güzəştinin iki dəfə artırılmasından gedir. Yeni qaydalar Vergi Məcəlləsinə edilən dəyişiklikdə əksini tapıb.

 

Güzəştlərin mahiyyəti barədə danışan Millət vəkili Vüqar Bayramov bildirdi ki, 2022-ci ildə şəhid ailələri və qazilərə edilən bu kimi güzəştlər daha da artırılacaq: “Şəhid ailələrinə, o cümlədən qazilərimizə  ödənilən maddi yardımın 20 min manatadək olan hissəsi vergidən azad olunur. Belə ki, şəhid ailələri və qazilərimiz özəl sektordan maddi yardım alırsa, həmin vəsaitlər vergiyə cəlb edilməyəcək. 20 min manatadək olan hissə vergidən azad ediləcək. Digər mühüm güzəştlərdən biri bank kreditlərinin silinməsi nəticəsində yaranana gəlirin vergidən azad edilməsi ilə bağlıdır. Digər mühüm güzəştlərdən biri  də bank kreditlərinin  silinməsi nəticəsində yaranan gəlirin vergidən azad edilməsi ilə bağlıdır. Atıq gələn ildən etibarən məbləğindən asılı olmayaraq vergiyə cəlb edilməyəcək. Bu ondan xəbər verir ki, Azərbaycan üçün şəhid ailələri və  qazilərimizə dövlət dəstəyinin edilməsi əsas prioritetlərdəndir”.

 

 

Ümumiyyətlə Parlamentdə hər hansı bir qərarın qəbul edilməsi əhalinin sosial təbəqəsi  nəzərə alınmaqla həyata keçirilir. Millət vəkili Arzu Nağıyev belə deyir: “Şəhidlərin ailə üzvlərinə və  qazilərə verilən 10 min manatadək olan hissəsinin gəlir vergisindən azad olunması nəzərdə tutulub. Müalicə haqları, cərrahiyyə əməliyyatları ilə bağlı, birdəfəlik müavinətin dəyərinin 40 min manatadək olan hissəsi gəlir vergisindən azad olunması ilə bağlı qərar qəbul edilib. Yeni tikilən mənzillərdə evlə təmin olunmaları və digər bu kimi güzəştlərlə bağlı həssas təbəqə birmənalı şəkildə nəzərə alınır”.   

 

Xatırladaq ki, Vergi Məcəlləsinə təklif edilən dəyişikliyə görə, Vətən müharibəsində şəhid olan şəxslərin ailə üzvlərinə və hərbi əməliyyatlar nəticəsində əlilliyi müəyyən olan hərbi qulluqçulara və mülki şəxslərə verilən maddi yardımın 20 min manatadək olan hissəsinin gəlir vergisindən azad olunması nəzərdə tutulur. İndiyə qədər bu məbləğ 10 min manat idi.

 

Aytən Sakitqızı

APA TV

 

Müəllif | Apa.Tv

Apa.tv

Kodu kopyalayın