Şəki rayonu Baş Şabalıd kəndində iki nəfər odlu silahla qətlə yetirilib. APA TV-nin əldə etdiyi məlumata görə, qətlə yetirilən 58 yaşlı Azər Sədi oğlu Sədiyev və 67 yaşlı İsrafil Əhmədiyyə oğlu Məmmədsoya məxsus mal-qara hadisəni törətməkdə şübhəli bilinən 59 yaşlı Namik Əbil oğlu Məmmədova məxsus torpaq sahəsinə girib və təsərrüfata ziyan verib. Bu da qohumluq əlaqəsi olan şəxslər arasında mübahisəyə səbəb olub. Daha sonra Namik Məmmədov ov tüfəngi ilə əvvəlcə İsrafil Məmmədsoyu, ardınca isə Azər Sədiyevi güllələyərək öldürüb.