Şəkidə minik maşınları toqquşdu - AVTOMOBİLLƏRDƏN BİRİ YANDI
Şəkidə yol qəzası zamanı toqquşan avtomobillərdən biri yanıb.
APA TV-nin məlumatına görə, hadisə rayonun Bideyiz kəndi ərazisində baş verib.
“VAZ 2106” markalı avtomobillə rayon sakini Umud Məmmədlinin idarə etdiyi “VAZ 21074” markalı maşın toqquşub.
Qəzadan sonra “VAZ-21074” markalı avtomobildə yanğın baş verib. Nəticədə “VAZ-21074” markalı avtomobilin yanar konstruksiyaları yanıb. Hadisə yerinə Fövqəladə Hallar Nazirliyinin (FHN) Şəki rayon Dövlət Yanğından Mühafizə Hissəsinin texnikaları və şəxsi heyətləri cəlb edilib.
“VAZ-2106” markalı avtomobil yanğından mühafizə edilib.
Qəza zamanı həmçinin “VAZ-2106” markalı avtomobilin sürücüsü və sərnişini yüngül xəsarət alıb. Yaralılara Şəki Rayon Mərkəzi Xəstəxanasında ilkin yardım göstərildikdən sonra evə buraxılıblar.
Faktla bağlı araşdırma aparılır.
