Şəmkirdə yanğın hadisəsi baş verib.

APA TV-nin yerli bürosunun məlumatına görə, hadisə rayonun Dəllər qəsəbəsində, Səməd Vurğun küçəsində qeydə alınıb. Qəsəbə sakini 1978-ci il təvəllüdlü Anar Əliyevə məxsus 3 otaqlı evdə anidən yanğın başlayıb. Dərhal hadisə yerinə Şəmkir rayon Dövlət Yanğından Mühafizə Hissəsinin avtomobili və canlı qüvvəsi cəlb olunub.

Ev sahibinin övladı 2016-cı il təvəllüdlü Rəvan Əliyev yanğınsöndürənlər tərəfindən son anda xilas edilib. Yanıq xəsarətləri alan azyaşlı xəstəxanaya yerləşdirilib, vəziyyətinin kafi olduğu bildirilir.

Hadisənin baş vermə səbəbləri araşdırılır.

Fuad Nazimoğlu,

Mehdi Məmmədov,

APA TV