Şəmkirdə evdə partlayış olub. APA TV-nin yerli bürosunun məlumatına görə, hadisə rayonun Morul kəndində qeydə alınıb.

 

Kənd sakini, 1994-cü il təvəllüdlü Şəhruz Elman oğlu Cavanşirli yaşadığı evdə qaz partlaması nəticəsində ağır yanıq xəsarəti alaraq Gəncə şəhər Təcilli Tibbi Yardım Xəstəxanasının reanimasiya şöbəsinə yerləşdirilib. Dərhal xəstəyə lazımi tibbi yardım göstərilib, vəziyyətinin ağır olduğu bildirilir.

 

Xəsarət alan Şəhruz Cavanşirli deyir ki, evdə işığı yandıran zaman anidən partlayış baş verib.

 

Hadisənin səbəbləri araşdırılır.

 

Fuad Nazimoğlu

Mehdi Məmmədov

APA TV

Şəmkir