Əvvəl partlayış oldu, sonra alov bütün evi bürüdü. Ev sahibinin də ciddi yanıq xəsarətləri almasına səbəb olan yanğın hadisəsi səhər saat 4 radələrində Şəmkir rayonunun Çinarlı qəsəbəsində baş verib. Yanğın zamanı ağır yanıq xəsarəti alan 77 yaşlı Şücaət Novruzova Şəmkir rayon mərkəzi xəstəxanasına yerləşdirilib. Vəziyyətinin ağır olduğu bildirilir. Yanğın nəticəsindən partlayış baş verən ümumi sahəsi 200 m² olan ikimərtəbəli 6 otaqlı evin yanar konstruksiyaları 145 m² sahədə, dam örtüyünün taxta atmaları 40 m² sahədə və bitişik sahəsi 40 m² olan talvarın taxta atmaları 20 m² sahədə yanıb. Yüksək temperaturdan yaxınlıqda yerləşən ümumi sahəsi 270 m² olan talvarın lambirdən ibarət tavanı 170 m² sahədə əriyib. Evin və talvarın qalan hissəsi FHN-in Dövlət Yanğından Mühafizə Xidmətinin Şəmkir rayon Dövlət Yanğından mühafizə hissəsinin yanğınsöndürmə briqadaları tərəfindən yanğından mühafizə olunub. Fakt araşdırılır.

Fuad Nazimoğlu, Elşad Cəfər, APA T