17:57 29 noyabr 2022 156
Ana səhifə Xəbərlər

Şənbə və bazar günləri valyutadəyişmə məntəqələrinin işləməməsi düzgün deyil - Rüfət Quliyev

“Şənbə və bazar günləri banklar işləmir. Ancaq şənbə və bazar günləri, o cümlədən bayram günləri banklarla bağlı olan valyutadəyişmə məntəqələrinin işləməməsi düzgün deyil, insanlar, turistlər valyutanı harada dəyişsinlər?”.

 

Bunu Milli Məclisin bu gün keçirilən iclasında deputat Rüfət Quliyev deyib.

 

Deputat bildirib ki, Azərbaycana gələn turistlərin sayı artıb, bu gün, sabah sərhədlər də açılacaq: “Biz turist ölkəsinə çevrilirik və turistlərin rahatlığı üçün bu addımlar atılmalıdır. Eyni zamanda qanunvericiliyə uyğun olaraq icazə və sənədlər əsasında valyutadəyişmə məntəqələrinin sayının artırılmasına ehtiyac var”.

Müəllif | Apa.Tv

Apa.tv

Kodu kopyalayın