Çinin Şaosin şəhər dairəsinin Çjetszyan əyalətindəki şərab zavodunda baş verən yanğın nəticəsində şərab Ciyan gölünə tökülüb və göldə yaşayan bir neçə min balıq sərxoş olub.

APA TV lent.az-a istinadən xəbər verir ki, şahidlərin çəkdiyi videoda sağ qalan bütün balıqların sahilə çıxdığı görülür. Bəzi sərxoş balıqlar yavaş-yavaş tərpənir, bəziləri isə spirtdən zəhərlənərək ölür.

Su üzünə çıxan balıqlar müqavimət göstərə bilmir və gölün sahilinə toplaşan balıqçıların asan şikarına çevrilir.

Bütün balıqlar sahilə çıxdıqdan sonra göl təmizlənəcək.