Bakıda avtoqəza baş verib.

APA TV-nin məlumatına görə, qəza Atatürk prospektindəki tuneldə qeydə alınıb.

 

İdarəetmədən çıxıb tunelin istinad divarına çırpılan "Toyota" markalı avtomobilin sürücüsü Nicat Qabil oğlu İbrahimli müxtəlif dərəcəli xəsarətlərlə xəstəxanaya yerləşdirilib.

Hadisə şahidləri çəkilişə mane olmağa çalışıb.

Əraziyə Nərimanov Rayon Polis İdarəsinin və DYP əməkdaşları cəlb edilib.

 

Qəza zamanı avtomobilin yanacağı yola dağıldığından əraziyə Fövqəladə Hallar Nazirliyinin (FHN) briqadası cəlb edilib. Polis tuneldə tənzimləmə işləri aparıb.

 

Qeyd edək ki, sürücü avtomobili sərxoş halda idarə edib.

 

Faktla bağlı araşdırma başlanılıb.