Şimal bölgəsinə qar yağıb - AVQUST AYINDA
Avqustun 23-nə keçən gecə Azərbaycanın şimal bölgəsinə qar yağıb.
APA TV xəbər verir ki, Milli Hidrometeorologiya Xidmətinin rəisi Umayra Tağıyeva bildirib ki, avqustun 23-ü səhərədək bəzi yerlərdə şimşək çaxıb, arabir leysan xarakterli yağış yağıb, ayrı-ayrı yerlərdə intensiv və güclü olub, yüksək dağlıq ərazilərdə, Xınalıqda sulu qar, Şahdağda qar yağıb. Şahdağ Kompleks Hidrometeoroloji və Ekoloji Tədqiqat Elm Mərkəzinə yağan qarın hündürlüyü 5 santimetrə çatıb.
