Şirvanda 40 yaşlı kişi 5-ci mərtəbədən yıxılıb öldü
Şirvan sakini 5-ci mərtəbədən yıxılaraq ölüb.
APA TV-nin Mil-Muğan bürosunun xəbərinə görə, hadisə şəhərin M.Ə.Rəsulzadə küçəsi, bina-17 ünvanında baş verib.
Sərxoş vəziyyətdə olan Şirvan sakini, 1980-ci il təvəllüdlü Rüstəm Eldar oğlu Məmmədov 5-ci mərtəbədən yıxılıb. Nəticədə o, müxtəlif dərəcəli bədən xəsarətləri ilə Şirvan şəhər xəstəxanasının reanimasiya şöbəsinə yerləşdirilib. Həkimlərin səyinə baxmayaraq, 40 yaşlı yaralı aldığı xəsarətlərdən orada ölüb.
Faktla bağlı araşdırma aparılır.
