Aşan maşın 10 şamı məhv etdi - 4 NƏFƏR ÖLÜMDƏN DÖNDÜ
Şirvanda minik avtomobili aşıb.
APA TV-nin Mil-Muğan bürosunun məlumatına görə, hadisə şəhərin H.Əliyev prospektində qeydə alınıb.
Şirvan sakini - 1991-ci il təvəllüdlü Namiq Eldar oğlu Mahmudovun idarə etdiyi “Mercedes” markalı avtomobil yol kənarındakı ağaclara və dekorativ kollara çırpılaraq aşıb.
Nəticədə sürücü və avtomobildə olan sərnişinlər - 27 yaşlı Nurani Ələkbər oğlu Şahbazov, 27 yaşlı Vüqar Mətləb oğlu Əliyev və 26 yaşlı Sabir Rövşən oğlu Əlizadə müxtəlif dərəcəli xəsarətlərlə Şirvan şəhər xəstəxanasının travmatologiya şöbəsinə yerləşdirilib.
Şəhər təsərrüfatına ziyan dəyib. Belə ki, 10-a yaxın çoxillik şam ağacı sıradan çıxıb.
Faktla bağlı araşdırma aparılır.
