Sabirabadda yol kənarında fəaliyyət göstərən ticarət obyektləri yanıb. Hadisə Sabirabad-Saatlı yolunun Qalağayın kəndi ərazisindən keçən hissəsində qeydə alınıb. Adı çəkilən ərazidə yerləşən 8 obyekt və 900 kv metr ərazi yanıb. Sahibkarlara külli miqdarda ziyan dəyib.

Yanğın nəticəsində gübrə anbarı, mebel sexləri, plastik qapı-pencərə sexi, dəmir qapı istehsal edən sex, müxtəlif növ avadanlıq və dəzgahlar yanaraq sıradan çıxıb. Yanğına elektrik xəttində qısa qapanma səbəb olub. Olay yerinə FHN-in Sabirabad və Saatlı yanğından mühafizə hissəsinin texnikası və canlı qüvvəsi cəlb ounub.

Yanğın söndürülüb və digər obyektlərə keçməsinin qarşısı alınıb. Faktla bağlı araşdırma aparılır.