14:36 14 yanvar 2022 159
Ana səhifə Xəbərlər

Sülhməramlılar Qazaxıstanı belə tərk edir

Kollektiv Təhlükəsizlik Müqaviləsi Təşkilatının kontingentinin sülhməramlıları Qazaxıstandan Rusiyaya qayıtmağa başlayıb. Onlar Rusiyada toplaşdıqdan sonra öz vətənlərinə yola düşəcəklər. Ermənistan, Tacikistan və Qırğızıstandan olan sülhməramlılar artıq Almatıdan çıxıblar. KTMT-nin qalan sülhməramlıları isə 10 gün ərzində ölkələrinə qayıdacaqlar.

 

Ermənistandan olan bölmələr Rusiyaya məxsus üç “İl-76” hərbi təyyarəsi ilə Almatı aerodromundan havaya qalxıb. Xatırladaq ki, ermənilər çörək zavodu və kolxoz bazarında xidmət aparıblar.

 

Qırğızıstan sülhməramlıları isə zirehli hərbi texnikalarla təxminən 250 km-lik məsafədə dövlət sərhədinə doğru istiqamətləniblər.

 

Qeyd edək ki, yanvarın 2-dən başlayan iğtişaşlara görə Rusiya, Ermənistan, Belarus, Qırğızıstan və Tacikistandan olan ümumilikdə iki mindən çox sülhməramlı Qazaxıstana göndərilmişdi.

 

 

Müəllif | Apa.Tv

Apa.tv

Kodu kopyalayın