Sumqayıtda ağır yol qəzası – PİYADA ÖLDÜ, SÜRÜCÜ YARALANDI
Sumqayıtda ölümlə nəticələnən yol-nəqliyyat hadisəsi baş verib.
APA TV-nin məlumatına görə, hadisə şəhərin Koroğlu prospektində qeydə alınıb.
Belə ki, yüksək sürətlə hərəkət edən “BMW” markalı avtomobilini sürücüsü 1995-ci il təvəllüdlü Kənan İbrahimov idarəetməni itirərək əvvəlcə yolu keçən piyada 2004-cü il təvəllüdlü Nigar Kərimlini vurub.
Daha sonra isə avtomobil yoldan çıxıb və nəticədə yol kənarında olan 11 ağacı qıraraq aşıb.
Hadisə nəticəsində 25 yaşlı sürücü Kənan İbrahimov ağır bədən xəsarətləri alaraq xəstəxanaya yerləşdirilib. 16 yaşlı piyadanın isə həyatını xilas etmək mümkün olmayıb.
Faktla bağlı araşdırma aparılır.