Sumqayıtda bədbəxt hadisə - 55 YAŞLI KİŞİ MAŞININ ALTINDA QALARAQ ÖLDÜ
Sumqayıtda bədbəxt hadisə ölümlə nəticələnib.
APA TV-nin yerli bürosunun məlumatına görə, hadisə şəhərin Hacı Zeynalabdin qəsəbəsində qeydə alınıb.
“ZİL” markalı yük maşınının sürücüsü nəqliyyat vasitəsini arxaya verərkən ehtiyatsızlıqdan yol kənarında duran 1965-ci il təvəllüdlü Ələddin Rüstəmovu vuraraq onun üstündən keçib. 55 yaşlı kişi aldığı xəsarətlərdən hadisə yerində dünyasını dəyişib.
Meyit aidiyyəti üzrə təhvil verilib.
Faktla bağlı araşdırma aparılır.